ANG Gilas Pilipinas Women gipaarakan sa China og 91 puntos nga labaw sa 2021 Fiba Women’s Cup, 143-52 didto sa Prince Hamza Hall sa Amman.
Ang Pinay nga nagka-foul trouble batok sa mas dagko ug tag-as nga mga Insik nakahatag pa og igo nga kumbate sa first quarter 22-15 human sa tres ni Camille Clarin sa nahabiling 3:46 sa unang quarter.
Apan ang mga Chinese nigamit sa ilang hugot nga depensa ug nisutoy pinaagi sa 13-2 run paghuman sa first quarter ug inanay nga nalubong ang mga Pinay, 35-17.
Ang gibuhat sa China mao ang pagpakita sa ilang pagka-dominante sa liga ug pagpamatuod sa hype aron putlon ang paghari sa Japan sa liga sa Asya.
Ang China nga ika-7 sa rank sa tibuok kalibotan, nagpadayon sa ilang pagpanghase sa mga Insik sa second half ug ni-outacore sa mga Pinay, 39-9 sa third quarter aron padak-an pa ang labaw 108-38 sa wala pa niabot og 92 puntos ang labaw nga maoy labing dako.
Gipahimudsan sa China ang ilang height, ang mga hiyong og mata nilangkat og 55 ka rebounds batok sa 23 sa Pinas ug nisamot pa ka dehado ang mga tabunon dihang nakuhabni Clare Castro ang ikaupat niyang foul sa nahabiling 6:33 sa third quarter ug na-fouled out sa nahabiling 6:15 sa duwa.
Gumikan niini, sayon nalang sa China ang pagtunol.sa bola paingon sa ring didto shaded lane kinsa niabot og 68 puntos ug napasulod ang 12 gikan sa 22 ka itsa sa three points.
Si Yang Liwei maoy nangulo sa Chinese Women team pinaagi sa iyang 21 puntos, 5 assists, 5 steals samtang si Li Yueru nipabuto og 18 puntos, 6 assists ug 4bka rebounds samtang ang Pinas adunay 24 ka turnovers nga niresulta sa 34 puntos sa China.
Samtang gipangulohan ni Afril Bernardino ang Gilas Women pinaagi sa iyang 17 puntos ug 7 rebounds diin siya ra ang bugtong magduduwa sa nasod nga adunay double digit nga score. Apan napiang si Bernardino human nalisa ang iyang ankle sa nahabiling 3:16 sa fourth quarter. (PAC)