GIKORONAHAN sip best player of the week award ang bag-ong pambato sa San Miguel Beermen nga si CJ Perez kansang team nanuktok na sa semifinals sa 46th PBA Philippine Cup.
Ang Beermen wala magmahay sa pagkuha sa serbisyo ni Perez kinsa nagsilbi nga silent operator para sa ilang team human sila gipalagpot sa niaging Clark bubble sa niaging season.
Si Perez kinsa two-time scoring champion sa Terrafirma nag-average og 17.0 puntos ug 6.0 rebounds sa ilang duha ka niaging duwa diin si Marcio Lassiter ug Alex Cabagnot ang nahimong bida sa ilang duha ka sunodsunod nga kadaugan.
Luyo sa iyang mga numero, ang lumad sa Pangasinan nga si Perez maoy napili sa Cignal Play-PBA Press Corps Player of the Week para sa September 22-26.
Si Perez niduwa sa iyang unang playoff appearance human siya napili isip top pick niadtong 2018 draft.
Ang kadaugan sa Beermen batok sa Alaska Aces ug maoy nakapahimutang nila sa number four spot nga maoy nakapahimutang nila para maangkon og balik ang himaya human sila nibakasyon sa quarterfinal sa niaging All Filipino Conference.
Sa unang duwa sa Beermen sa playoff diin sila nidaog batok sa NorthPort, 88-87 sa game 1 pinaagi sa game winning shot ni Cabagnot, si Perez nihipos usab og 14 puntos, 6 rebounds para manuktok sa semifinals.
Gipilde ni Perez ang iyang teammates nga si Mo Tautua ug 6th-time PBA MVP JuneMar Fajardo ug Chris Ross. (PAC)