NIHANGYO si Kyrie Irving sa Brooklyn Nets nga tahuron ang iyang privacy human wala siya nitambong sa media day ug huwaton nga siya ang mopagawas og pamahayag bahin sa bakuna batok sa Covid-19.
Kini human gipangutana sa mga tigbalita kon siya nabakunahan o wala pa sa ilang umaabot mga duwa sa ilang balwarte.
Wala ang presensiya ni Irving apan anaa skya sa virtual ug nahisgotan ang iyang pagpabakuna didto room sa Barclay Center.
Ang New York adunay mandato pag-require og vaccination sa Covid-19 para sa mga atleta nga moduwa o mag practice didto sa ilang siyudad.
Si Irving wala mo-istorya ko siya nakadawat na sa bakuna o wala apan ang player nga wala mabakunahi, dili siya nakaduwa sa ilang balwarte.
“There’s just a lot of questions about what’s going on in the world of Kyrie and I think I’d love to just keep that private and handle it the right way with my team and go forward together with a plan,” padayag ni Irving.
“So obviously I’m not able to be present there today, but that doesn’t mean that I’m putting any limits on the future of me being able to join the team.” dugang sa 7-time All Star.
Ang Nets magpahigayon sa ilang training camp didto sa San Diego ug makaapil si Irving makaapil niini ug sila mobalik sa Brooklyn para sa ilang exhibition game didto sa Los Angeles sa sunod Dominggo. (PAC)