TALIWALA sa wala pagbutho sa ilang All Star guard nga si Ben Simmons sa media day, positibo gihapon ang opisyal sa Philadelphia 7ers nga mabalik ang ilang pambato.
Si Daryl Morey, president sa 76ers, naglaom gihapon sa iyang three time All Star nga si Simmons.
“But, perhaps, however unfathomable, all is not lost. I think there’s a lot of hope,” matod ni Morey.
Si Morey ra ang nasayod kon tinud-anay ba ang iyang pangagpas o para lang sa publicity sa media, paghulagway sa mga tigpaniid.
Si Joel Embiid, ang katambayayong ni Simmons pagtimon sa Sixers kon asa man sila nahimutang karon sa ranking sa mga NBA teams niingon nga gihatagan sila og max contracts sa team para paglangkat og kampyonato.
“We’ve been building this thing around us,” matod ni Embiid sa ilang korte.
Atol sa media day sa Sixers, wala motunga si Simmons kinsa adunay kasamtangan contract sa Sixers balor og $147 milyones sulod sa lima ka tuig diin upat pa katuig ang nahabilin sa iyang kontrata.
Si Morey wala nihisgot kabahin sa posibleng silot batok ni Simmons apan iyang giingon nga ang penalty ug suspension nakahan-ay sa collective bargaining agreement.
Ang Sixers nangandam na nga moduwa nga wala si Simnons apan si Embiid nanghinaot nga unta sila magkaestorya sa iyang pakner aron mahilot kon aduna may kasungian.
Ang iyang teammate nga si Tobias Harris nanghinaot nga ang ilang team nibisita kang Simmons human sa ilang season diin ilang gibasol ang ikang kaugalingon sa sayong pagbakasyon sa Sixers sa playoffs.
“It was not one guy who made mistakes,” matod ni Harris.
Si Simmons wala sa trading block hangtod nga ang iyang representatives nakigtagbo kang Morey sa niaging summer ug niingon nga ang kanhi number 1 pick sa 2016 draft gusto mga mobalhin og laing team. (PAC)