750 ka balay i-turn over sa Yolanda victims

MOABOT sa 750 ka mga balay sa Dakbayan sa Bogo ang i-turn over na alang sa mga biktima sa bagyong Yolanda niadtong 2013.

Gipahibaw sa Kagamhanan sa Siyudad nga gi proseso na sa National Housing Authority (NHA) ang mga dokumento alang sa pag-turn over sa mga balay sa mga benepisaryo sa local government unit (LGU).

Ang housing project nahimutang sa 5.9 nga ektaryang luna sa Barangay Banban ug kabahin sa saad sa kagamhanan ngadto sa displaced families.

Matag balay dunay 40 square meters nga floor area nga may kaugalingong comfort room, supply sa kuryente. Samtang sulod sa compound gipamontaran usab og volleyball ug basketball courts.

Gawas niini, plano usab sa kagamhanan nga magbutang og daycare center sa komunidad aron makatungha usab ang mga bata.

“Sa mga umaabot nga adlaw pagahimuon na ang opisyal nga pagturnover sa mga unit ngadto sa mga benepesyaryo kansa nawad-an ug panimalay niadtong pagkusokuso sa Super Typhoon Yolanda ug sa mga Bogohanons usab nga kanhi nanimuyo sa mga accident ug calamity prone areas sama sa mga coastal areas,landslide prone,ug flood prone,” matod sa LGU.

Sayo ning tuiga, una nga gi turnover sa nasudnong kagamhanan ang 750 ka mga balay sa mga benepisyaryo nga nabiktima sa bagyong Yolanda sa lunsgod sa Madridejos sa isla sa Bantayan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph