DILI na kinahanglan ang RT PCR test o rapid antigen test aron may ikapakita nga negative result ang mga pasahero nga mobiyahe gikan sa isla sa Leyte nga mopaingon sa lungsod sa Pilar.
Kini nahisubay sa bag-ong memorandum nga giluwatan ni Cebu Governor Gwendolyn Garcia sa Septiyembre 27, 2021.
“Effective immediately, all persons traveling from the island of Leyte and directly traveling to the Municipality of Pilar shall no longer present a negative RT PCR test nor a rapid antigen test result as a requirement for entry,” saysay sa memorandum.
Kinahanglan gihapon nga mopresentar og medical certificate nga magpakita og negatibong resulta sa naasoyng mga test.
Sa maong medical certificate, kinahanglan usab nga sigurohon pagbutang nga way nasinati nga simtomas sa coronavirus disease ang pasahero.
Ang certificate dawaton lang kon gi-isyu sulod sa 24-oras sa dili pa ang arrival o pagdunggo sa lungsod sa Pilar. (ANV)