SI Presidente Rodrigo Duterte niingon nga ang medical workers mahimo rang moayo sa ilang face shields kon kini maguba tungod sa pagsige og gamit.
Kon garter miluag?Pahugti lang, o mopalit ka og lain ug pulihan ni, matod ni Duterte.
“Ito ‘yung nagdeteriorate, foam lang ‘to eh, and of course, ‘yung garter, pero the garter over time maging maluwang ‘yan. So you transfer there’s a button there, ilipat mo naman dito para hihigpit uli. Over time, ‘pag maubos itong butas at isang butas na lang naiwan, bumili ka na lang ng garter, talian mo lang at iganoon mo sa likod mo, eh ‘di tapos,” matod niya.
Kon ang foam humok na kaayo, matod ni Duterte nga mahimo na kining hulipan. O mahimo sab nga pinilo nga panyo ang ipuli sa foam.
“Kung wala ka namang foam, puwede ka namang magtrapo ng ano panyo mo. Ito lang actually ‘yung foam, marami kang makitang foam ngayon, guntingin mo lang, ilagay mo ng paste, ‘yun na ‘yun, if that is really what is... what you’re talking about the product,” dugang ni Duterte.
Ang Department of Health (DOH) niapod-apod og medical-grade face shields ngadto sa healthcare frontliners sa pagsugod sa coronavirus disease 2019 (Covid-19) pandemic sa 2020.
Ang face shields gi-supply sa Pharmally Pharmaceutical Corporation, kinsang kontrata sa kagamhanan nga mobalor og P12 million gisusi sa Senate blue ribbon committee.
Si Pharmally administrative assistant Krizle Mago nisulti sa Senate panel sa Septiyembre 24 nga siya gimandoan sa pag-ilis sa product certificates sa face shields aron kon tan-awon gigama kini niadtong 2021.
Ang shields gigama sa 2020 ug gi-deliver sa Pharmally ngadto sa Procurement Service sa Department of Budget and Management, nga maoy namalit alang sa DOH, sa samang tuig.
Si DOH Secretary Francisco Duque III niingon nga ang medical-grade face shields ni-expire sa 36 ka buwan human kini gigama. (TPM, SunStar Philippines)