SUPERBALITA CEBU

Sugod Oct. 1 Comelec pabantayan

SEGURIDAD sa buhatan sa Commission on Election (Comelec) giandam na sa kapulisan sa Siyudad sa Sugbo alang sa pagsugod sa filing sa certificate of candidacy (COC) sa mga kandidato sa dakbayan.

Sa Oktubre 1, 2021 maoy unang adlaw sa pagpanawat sa Comelec og sertipiko de kandidatora niadtong mga magpapili sa nagka lain-laing posisyon sa sunod tuig nga piniliay.

Tungod niini gipangandaman sa Cebu City Police Office ug magbutang sila og mga pulis sa Comelec aron masiguro ang kahapsay ug kalinaw ingon man ang pagsiguro nga motamod sa minimum health standard.

Tungod sa pandemic hugot nga gidili ang pagdasok sa mga tawo sama sa pagdala sa mga dumadapig ang matag kandidato gumikan kay ang tugotan lang nga makasulod sa buhatan sa Comelec mao lang ang kandidato ug ilang pamilya.

“Duna nay gihatag nga guidelines ang Comelec with regards sa mo-file sa COC it’s only the candidate and or ang iyang family or any representative sa ilang partido ang mokuyog its only two,” matod ni Pol. Lt. Col. Wilbert Parilla sa CCPO.

Dugang ni Parilla nga ilang nasabutan sa mga opisyal sa Comelec ug sa kapulisan nga ang perimeter sa ilang building wala lang unay pa-agion nga sakyanan ug ila kini sirhan.

Kini paglikay nga maghu-ot usab ang mga sakyanan ilabi na nga napanglantawan nga daghan ang mga kandidato sa siyudad ang mo-file usab sa ilang COC karong Biyernes.

Hugot usab nga gidili sa mga police personnel ang pag-escort sa mga politiko panahon sa eleksiyon kung wala kiniy pagtugot sa kampo Crame ug Comelec.

Kadtong mga kandidato nga adunay hulga sa ilang kinabuhi mahimo sila nga mo-apply sa Police Regional Office 7 aron mahimo-an og threat assessment alang unya sa paghatag og security. (AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph