KAPIN sa 50 ka mga parolado, under probationary, plea bargainers ug drug surrenderer ang nakapahimulos sa libreng bakuna sa Lapu-Lapu City Government, kagahapon, Septiyembre 28.
Ang pagpamakuna gipaluyohan sa City of Lapu-Lapu Office for Substance Abuse Prevention C-Losap nga gipangulohan ni Garry Lao nga gipahigayon sa Lapu-Lapu City Sports Complex.
Gawas sa naasoyng indibidwal lakip sa nakapimulos sa pagpamakuna ang ila usab nga tagsa-tagsa ka mga pamilya.
Walk-in ra ang paagi sa pagpamakuna sa kagamhanan ngadto kanila sanglit aduna may lista ang C-Losap sa maong mga indibidwal sa dakbayan alang sa verification sa vaccination site.
Aron nga masiguro ang pagpatuman sa minimum health protocol daghang mga personnel sa C-Losap ang gipakatap sa vaccination site aron mo-abag sa pagpatunhay kalihukan.
Matod ni Lao nga iyang nahuna-hunaan ang maong programa sanglit alang kaniya angayan usab sila nga mabakunahan batok sa coronavirus disease Covid-19 bisan ug dili sila prayoridad sa gobiyerno. (GCM)