SUPERBALITA CEBU

15K ka mga kabataan ang narehistro

DUL-AN sa 15,000 na ka mga kabatan sa mga dakbayan sa Mandaue, Lapu-Lapu ug Talisay ang narehistro na alang sa Covid-19 vaccination.

Samtang ang Dakbayan sa Sugbo wa pa kasugod sa ilang registration alang niadtong mga batan-on nga nag-edad ug 12 ngadto na sa 17 anyos.

Sigun sa data manager sa Mandaue City Vaccine Operations Center nga anaa na sa 8,495 nga nasulod sa maong age bracket ang narehistro na base sa ilang talaan niadtong Septiyembre 24.

Sa Lapu-Lapu City, gitug-an ni City Health Officer Agnes Realiza nga moabot sa 5,000 ka minors ang naa na sa ilang masterlist.

Gibana-bana sa opisyal nga ang Lapu-Lapu adunay 50,000 ka mga minors.

Sa Dakbayan sa Talisay kapin sa 1,500 ang na-rehistro base sa ilang Septiyembre 28 nga record sa ilang Emergency Operation Center (EOC).

Gi-awhag ni Talisay City Mayor Gerald Anthony Gullas Jr. ang iyang mga konstituwente nga pagparehistro sa ilang mga kabataan pinasubay sa panawagan sa nasudnong kagamhanan nga pabakunahan ang maong priority group.

Si Presidente Rodrigo Duterte nagkanayon nga hayan ang general population lakip na ang mga bata ang mahatagan sa bakuna kontra Covid-19 sa Oktubre 2021.

Kini human nga adunay 100 milyones nga doses nga moabot sa hinapos nga bahin sa Oktubre.

“(This) means that maybe we can expand the vaccination program to the general population and, hopefully, also our children within October,” he said.

“Also, we continue to ramp up our vaccination drive and (we) are targeting to administer around a total of 55 million (doses of) vaccines by October,” tipik sa pamahayag ni Secretary Carlito Galvez Jr. (CTL, GCM, JKV, FVQ)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!