ANAA na sa 4,766 ang mga indibidwal nga nabakunahan nga nagpositibo sa coronavirus disease 2019 (Covid-19) sa Cagayan de Oro City.
Matud sa City Health Office, sa maong 4,766 nga mga vaccinees, 2,969 niini ang mga nabakunahan na sa Sinovac; 897 ang nabakunahan sa AstraZeneca; 313 ang nabakunahan sa Pfizer; 280 ang nabakunahan sa Sputnik V; 281 ang nabakunahan sa Janssen; unom ang nabakunahan sa Sinopharm; ug 20 ang nabakunahan sa Moderna.
Sa 2,969 nga mga Sinovac vaccinees, 2,329 ang nakasinati og mild nga sintomas; 447 ang mga asymptomatic; 186 ang mga nakasinati og moderate nga sintomas; ug pito ang mga severe nga kaso.
Sa 897 nga mga AstraZeneca vaccinees, 670 ang nakasinati og mild nga sintomas, 171 ang mga asymptomatic; 52 ang mga nakasinati og moderate nga sintomas; ug upat ang mga severe nga kaso.
Sa 313 nga Pfizer vaccinees, 227 ang nakasinati of mild nga sintomas; 75 ang mga asymptomatic; ug 11 ang mga nakasinati og moderate nga sintomas.
Sa 280 nga Sputnik V vaccinees, 227 ang nakasinati og mild nga sintomas; 35 ang mga asymptomatic; ug 18 ang mga nakasinati og moderate nga sintomas.
Sa 281 ka Janssen vaccinees, 210 ang mga nakasinati og mild nga sintomas; 44 ang mga asymptomatic; ug 27 ang mga nakasinati of moderate nga sintomas.
Sa unom ka Sinopharm vaccinees, upat ka mga indibidwal ang nakasinati og mild nga sintomas; usa ang asymptomatic; ug usa ang nakasinati og moderate nga sintomas.
Ug sa 20 ka mga Moderna vaccinees, 10 ka indibidwal ang nakasinati og mild nga sintomas, unom ang mga asymptomatic, ug upat ang mga nakasinati og moderate nga sintomas.
Kasamtangan, sa 4,766 ka mga coronavirus-positive nga mga vaccinee, 2,871 ka mga indibidwal ang mga fully vaccinated.