PADAYON ang pagnaog sa ihap sa mga bag-ong kaso sa Covid-19 sa Cagayan de Oro human kini mitala og 46 kaso, matud sa report sa City Health Office Biyernes, Oktubre 1, 2021.
Matud sa City Health Office, sa 46 ka mga bag-ong kaso, 32 ang mga local index nga mga kaso, lima ang mga local cases with link, lima ang mga lokal nga authorized persons outside residence (Apors), usa ang Apor with link, ug tulo ang mga persons deprived of liberty (PDLs).
Ang Cagayan de Oro adunay 2,744 ka mga active cases, 587 niini na-admit sa Northern Mindanao Medical Center ug uban pang mga ospital sa syudad, 2,141 ang mga outpatients, ug 16 ang mga ROFs/LSIs.
Nakatala usab og 294 recoveries. Anaa na karon sa 15,974 ang ihap sa mga nakarekober sa dakbayan.
Ang ihap sa mga namatay sa Covid-19 sa syudad anaa na sa 827.