ANG Cebu City Government mihatag og daghang mga pabor para sa mga fully vaccinated individuals (FVI) ilawom sa Executive Order No. 143 sa Dakbayan sa Sugbo.
Ilawom sa EO 143 nga giluwatan ni Acting Mayor Michael Rama, gitugotan nang makabaligya ug makapainom ang mga bars apan ngadto ra sa mga FVI nga maoy molangkob sa 30% nilang kapasidad ug bakunado usab ang ilang mga empleyado.
Apan ang mga bar owners kinahanglan pa nga molukat og mga special permit sanglit kini maoy pangitaon sa mga otoridad panahon sa inspeksyon.
Ang sulod sa restaurant 50% usab nga pulos bakunado samtang 75% sa al fresco o anaa sa gawas mangaon.
Ang mga personal services sama sa barbershop, salon, massage parlors, nail spas apil ang mga mga indoor sports nga non-contact sama sa fitness studio, gyms, clubhouses gisaka na ngadto sa 50% nga kapasidad gikan sa 30% para sa mga bakunado.
Zumba
Gitugotan na usab ang non-contact sports sama sa Zumba apan kinahanglan nga mosunod sa ipatuman nga health ug safety protocol.
Ang mga indoor tourists attraction nga giila sa Department of Tourism (DOT) o City Tourism gitugotan usab nga makapasulod og turista hangtod 50% basta sila mga bakunado samtang ang sa mga outdoor tourist attractions gitugotan sila hangtod 75% nga pulos bakunado.
Ang mga meeting, incentive, convention ug exhibits gilimitahan hangtod 50% sa kapasidad sa venue apan ang makatambong kadto gihapong mga tawo nga bakunado.
Ang mga recreational venues gitugotan hangtod 30% mga kapasidad para sa mga FVI.
Ang mass gatherings sama sa birthdays, weddings baptisms gitugotan hangtod 40% sa venue o 120 individuals o kinsa ang mas ubos diin pulos mga vaccinated person ang gitugotang makatambong.
Ang gathering sama sa necrological services, wakes, lubong sa patay gawas sa Covid-19, religious gatherings, misa sa simbahan, novena sa kapilya gitugotan hangtod 50% sa kapasidad kansang venue ipahigayon pinuy-anan gikan alas 7 a.m. hangtod 4 p.m.
Mga senior
Ang mga nag-edad og 65 anyos pataas nga bakunado gitugotan na usab silang makagawas.
Ang mga biyahero nga mosulod sa Cebu City kinahanglan gihapon silang mosumiter sa ilang negative RT PCR test (72 hours) negative antigen test (48 hours), test, saliva test (48 hours) para sa vaccinated individuals.
Ang vaccination rollout sa Cebu City magpadayon hangtod mga aduna pay suplay sa bakuna. (PAC)