Impresibo ang unang adlaw ni Kiefer Ravena sas pagsugod sa 2021-22 B. League Season kagahapon sa dihang gipildi sa Shiga Lakerstars ang San-En NoePhoenix, 93-83, ang team sa iyang manghod nga si Thirdy, kagahapon dideo sa Ukaruchan Arena sa Japan.
Nalubong na unta og 22 puntos ang Lakerstars, 59-37, sa third quarter, apan ang shifty pointguard nga kanhi sakop sa NLEX Road Warriors sa PBA, miduslit sa dakong rally, 21-0, nga maoy nakapakaging sa San-En.
Mitapos si Keifer sa duwa nga may 11 puntos, walo ka assists, tulo ka rebounds ug tulo ka steals nga wala gyuy turnovers sulod sa 25 minutos.
Magsangka og balik ang duha ka team karong adlawa.
Si Thirdy, sa iyang bahin, mitali usab og 11 puntos, unom ka rebounds ug duha ka steals alang sa San En.
Samtang mipakatap usab si Kobe Paras og 25 puntos sa iyang unang adlaw usab sa lega, apan nabaliwala lang kini human nga napildi ang iyang team Niigata Albirex BB, 85-81, sa home team Kyot Hannaryz sa City Hall Plaza Aore Nagaoka.
Sayo nga nanginit ang Filipino import ug mipahagsa kini og 25 puntos, uban sa upat ka assists ug duha ka steals apan ang iyang mga kasaypanan sa naghinapos nga bahin maoy naghatag og kahigayon ni Hannaryz. (JBM)