Duterte ‘moretiro’ sa pulitika

Presidente Rodrigo Duterte. (File photo)
Presidente Rodrigo Duterte. (File photo)

Inay nga si Presidente Rodrigo Duterte, ang iyang dugay na nga aide nga si Senador Bong Go sa Sabado, Oktubre 2, 2021, maoy nipasaka og certificate of candidacy (COC) alang sa pagka bise presidente.

Sa samang higayon, si Duterte nipahibawo sa iyang pagretiro gikan sa pulitika human sa dul-an upat ka mga dekada.

Samang announcement sa pagretiro gikan sa pulitika gihimo ni Duterte niadtong 2015.

Sa iyang pagpamulong sa ikaduhang adlaw sa pagpasaka sa certificates of candidacy (COC) sa Sofitel Harbor Garden Tent sa Pasay City, si Duterte niingon nga wa na siya mopadayon sa iyang gipahibawo nga modagan pagka bise presidente ubos PDP-Laban.

“In obedience to the will of the people, who, after all, placed me in the presidency many years ago, I now say, sa mga kababayan ko, sundin ko ang gusto ninyo,” matod ni Duterte.

“And today, I announce my retirement from politics,” siya nidugang.

Matod ni Duterte nga nakahukom siya human nakadungog sa tingog sa katawhan sumaa sa nakita sa surveys.

Ang gihisgutan ni Duterte mao ang Social Weather Station (SWS) survey, nga nagpakita nga ang 60 porsyento sa respondents sa tibuok nasod nagkauyon nga ang pagdagan ni Duterte alang sa pagka bise presidente nakalapas sa Batakang Balaud.

“The universal sentiment of the Filipino has been reflected in the different surveys and in many forums and well caucuses and meetings to discuss what I should do in my life,” siya nidugang.

“The overwhelming sentiment of the Filipino is that I am not qualified and it would be a violation of the Constitution to circumvent the law, the spirit of the Constitution,” dugang ni Duterte.

Sa Septiyembre 8, ang Cusi faction sa PDP-Laban niproklamar kang Duterte isip vice presidential candidate sa Mayo 2022 elections.

Pipila ka mga adlaw ang milabay, si Duterte nipirma sa certificate of nomination and acceptance (Cona) isip bise presidente sa partido.

Si Go, sa iyang bahin, niingon nga andam siyang moasumer sa iyang responsibilidad sa partido nga gibiyaan ni Duterte.

“Given that President Rodrigo Duterte decided to withdraw his acceptance of nomination. I am here to take on the challenge as the PDP-Laban’s vice presidential candidate,” matod ni Go.

Matod niya nga siya nakahukom sa pagdagan pagka bise presidente aron pagseguro nga mapadayon ang mga programa sa administrasyong Duterte.

“I have decided to run for VP in the coming elections to continue the good programs and reforms started by President Duterte and, if possible, add to them,” dugang ni Go.

Sa miagi, si Go nisalikway sa nominasyon sa PDP-Laban aron siya modagan pagka presidente.

Si Commission on Elections spokesperson James Jimenez nipaila kanila ni Go ug Duterte ngadto sa mga sakop sa media sa wa pa sila mohatag sa ilang tagsa tagsa ka pamahayag. (HDT, SunStar Philippines)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph