SUPERBALITA CEBU

CG misuspenso sa tanang mga biyahe sa mga barko

TUNGOD sa Tropical Depression Lannie, ang Coast Guard Central Cebu misuspenso sa tanang mga biyahe sa tanang mga barko sa Sugbo sugod sa alas 5 sa buntag sa Lunes, Oktubre 4, 2021.

Mao kini ang giluwatan nga kamandoan ni Coast Guard commander Captain Alvin Dagalea ngadto sa tanang mga tag-iya og barko human giisa sa Philippine Atmospheric Geophysical Astronomical Services Administration (Pagasa) ang Tropical Cyclone Wind Signal no. 1 sa Kabisay-an, apil na ang Sugbo, sa Lunes sa buntag.

Sa alas 11 sa buntag nga weather bulletin sa Pagasa, ang bagyong Lannie nasigpatan sa kadagatan sa Maasin City, Southern Leyte nga dunay gikusgon nga hangin nga 45 kilometro matag takna ug unos nga 55 kilometro matag takna duol sa tunga-tunga.

Nag-irog kini sa 20 kilometro matag takna sa direksyon nga west northwest.

Matod sa Pagasa nga nagpaingon ang bagyo sa Camotes Sea.

Laing mga dapit sa Kabisay-an nga ubos sa TCWS no. 1 mao ang Eastern Samar, Samar, Biliran, Leyte, Southern Leyte, Capiz, Aklan, Antique, Iloilo, Guimaras, Negros Occidental, the northern and central portions of Negros Oriental (Bais City, Mabinay, City of Bayawan, Basay, City of Tanjay, Manjuyod, Bindoy, Ayungon, Tayasan, Jimalalud, La Libertad, City of Guihulngan, Vallehermoso, Canlaon City), Cebu, ug Bohol.

Matod sa Pagasa nga ang hangin masinati mga 200 kilometro palibot sa sentro sa bagyo.

Dinhi sa Sugbo, ang pagbunok sa uwan nagsugod sa sayo sa gabii sa Dominggo, Oktubre 3, 2021.

Dunay pipila ka mga dapit sa Sugbo nga nakasinati og mga landslide. (REV)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!