NITONG nakaraang Lunes, inaprobahan ng House of Representatives ang pagpalawig sa operasyon ng online cockfighting o e-sabong.
Ang e-sabong firm Lucky 8 Star Quest Inc., na kung saan ang operator nito ay ang Pitmasters Live games ay si Charlie "Atong" Ang, isan Filipino-Chinese gaming aficianado.
Sa session ng mga kongresista, umaabot sa 161-2 ang bumoto sa third and final reading ng House Bill No. 10199.
Pinalawig ng 25 taon ang franchise ng Lucky 8 Star Star Quest para sa "live broadcast ng cockfighting at derbies sa pamamagitan ng online.
Sa nasabing Bill, pinayagan ang e-sabong firm na magtayo ng mga establistamento para mag-operate ng online cockfighting.
Inaprobahan ng Kamara ang e-sabong upang doon makakuha ang pamahalaan ng malaking benipisho sa pamamagitan ng "revenue."
Si dating House Speaker, Congressman Alan Peter Cayetano ang tutol sa nasabing bill dahil ang e-sabong at iba pang sugal ay sinisira ang "moral fiber ng ating society.
Sang-ayon pa kay Cayetano ang e-sabong ay madaling sumugal sa pamamagitan ng internet o cellularphones kaya naman maraming kababayan natin ang na-aadik dito lalo na iyong mga kabataan.
Dahil sa e-sabong on-line maraming kababayan natin ang naadik sa sugal, ayon pa sa kanyang statement.
Matandaan, ang Lucky 8 Star Quest Inc. ay nakakuha ng license to operate sa Philippine Amusement and Gaming Corp. (Pagcor).
Bakti kaya halos ang mga kongresista ang sumuporta sa e-sabong on-line? Ano ang mayroon dito? Nagtatanong lang po...
Malaki ba ang makukuhang benipisyo sa e-sabong o malaking perwisyo sa mga kababayan natin lalo na iyong mga kabataan? Nagtatanong lang po...
Kayo po ano ang palagay ninyo?