SUPERBALITA CEBU

13C Band gilangkuban sa mga magtutudlo

13C Band

HAOM karong adlawa ang pagsa-ulog sa National Teachers’ Day samtang ning buwan sa Oktubre gipahinungod sab ang World Teachers’ Day ug ang banda nga featured karon mao ang 13C Band.

Gawas nga ang 13C route number niadtong PUJ nga nagbiyahian sa Barangay Talamban, Dakbayan sa Sugbo, ang maong banda gilangkuban sa mga magtutudlo sa Talamban National High School.

Ang mga naglangkob sa 13C gipangulohan sa ilang drummer nga si Roederick Catubay, 44 nga usa ka T.L.E. Electrical Technology teacher nga taga-Barrio Luz, Cebu City.

Samtang iyang ubang bandmates mao sila sil Harvey Glenn Bernas, 27, vocalist/guitarist, Mechatronix teacher nga taga-Barangay Mambaling ug Roger Angana, 35, bassist nga us aka Values Education Teacher nga taga-Apas, Cebu City.

Matod pa ni Catubay nga ang musika maoy komon nila nga interest ilabi na nila nga magtutudlo sa tuyo nga kaminusan ang stress sa ilang trabaho.

Sagad sa ilang komposisyon base sa mga panghitabo sud sa tunghaan tali sa mga tinun-an ug magtutudlo.

Usa sa ilang orihinal nga komposisyon sa maong Bisrock band ang “Kinabuhing Maestra” awit nga naghisgot sa kinabuhi sa usa ka yano nga titser nga naningkamot sa iyang propesyon sa tuyo nga kahatagan og maayong kinabuhi ang iyang pamilya. (FVQ)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!