KO artist sa Puerto Rico way kompiyansa ni Sultan

Impresibo man tuod ang iyang record, apan wa kini magpasabot nga ubos ang iyang pagtan-aw ni Jonas Sultan.

Kini maoy mensahi nga giluwatan sa knockout artist ug promising boxig star sa Puerto Rico nga si Carlos Caraballo.

Si Caraballo wa pa makatilaw og kapildihan sa katorse ka away nga pulos usab iyang gipangknockout ang tanan.

Karong Oktubre, iyang suwayan ang katakos ni Sultan kinsa nakaaway na og mga dekalidad nga mga kontra lakip na niini ang world title fight batok sa kataganasod usab nga si Jerwin Ancajas kinsa sa kasamtangan mao usab karon ang iyang sparring partner sa nagpadayon niyang ensayo sa Wild Card gym ubos sa legendary boxing coach nga si Freddie Roach.

Ang away adto ipahigayon sa Madison Square Garden sa New York City.

“I will take this opportunity to look great and continue to make noise at 118 pounds as I aspire to win a world title,” matod ni Caraballo, kinsa ubos sa promotion ni kanhi world champion Miguel Cotto.

Kon kahinumdoman, si Cotto nakaaway ug na knockout usab ni Manny Pacquiao kinsa, pinaagi sa MP Promotions, mao usab ang promoter ni Sultan.

“Sultan is a strong, experienced opponent. I know he has fought the big names, but I am working hard with my team to show I am a force to be reckoned with. This victory is for my people from Guayanilla, and all Puerto Ricans in New York,” dugang ni Caraballo kinsa katapusang nakaaway niadtong Marso batok ni Leonardo Baez sa Mexico alang sa iyang ika-14 nga sunodsunod nga knockout nga kadaugan sukad niadtong September 2016.

Si Sultan, lumad nga taga Zamboanga del Norte, sa iyang bahin, mi knockout usab ni Sharone Carter niadtong Agusto 14.

Human sa away, nagpabilin kini didto sa Estados Unidos aron pagpadayon sa iyang training. (JBM)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph