Diputado: Sarah: I’m not a last 2-minute person

Daghan ang nasagmuyo sa dihang ni-file sa iyang certificate of candidacy (COC) isip Mayor sa Davao City si Inday Sara Duterte-Carpio, sukwahi sa gituhoan sa uban nga mo-file kini og COC sa pagka presidente sa Pilipinas.

Gani, daghan ang di makatuo, ang uban miingon pa gani nga basin fake news kini.

Apan sa dihang napiho gyod nga tinuod kini, pilit nila kini nga gidawat ubos sa dako nga panghupaw.

Nganong nanghupaw, tungod kay wa matuman ang gusto nila nga mahitabo.

Kon di gyod modagan pagka presidente si Inday Sara, mapugos sila og pangita sa ilang suportahan.

* * *

Sa mga tinud-anay gyod nga supporters ni Inday Sara, nagtuo pa gihapon sila nga drama lang kining pag-file og pagka mayor sa Davao og mausob lang kining tanan sa di pa molapas ang Oktubre 8, nga mao ang katapusang adlaw sa pag-file og COC.

Naglaom sila nga i-withdraw ang maong COC ug mo-file og laing COC si Inday Sara sa pagka presidente na.

Ang nakapait lang kay hangtod karon, wa pay klaro kon unsa gyod ang mahitabo human mo-file og COC si Inday Sara.

Gani, ang iyang spokesperson nga si Liloan Mayor Ma. Christina Garcia-Frasco, igo lang misulti nga “Mayor Sara Duterte has already filed her certificate of candidacy for Mayor,” ug wala kini plano nga magpamiyembro o molansad ubos sa PDP-Laban.
Pwede nga mo-withdraw, pwede pod og dili na, mahibaw-an lang na karong Oktubre 8.

* * *

Sa supporters ni PRRD, dunay drama nga nahitabo kaniadtong Oktubre 2015. Hugot ang baroganan ni PRRD nga di molansad apan sa katapusang adlaw sa substitution of candidates, mi-file si Pres. Rodrigo Dutertte isip substitute ni Martin Diño. Tuod man, midaog siya.

Kining maong drama ang nagdula karon sa hunahuna sa supporters ni Inday Sara, nga drama lang kining gihimo ni Inday Sara ug sa katapusang adlaw sa filing, mo-withdraw kini ug mo-file og COC pagka presidente.

Ang pangutana niini mao kini: Posible kaha kini mahitabo nga mag-atras-abante si Inday Sara, labi na sa politika?

Kon kahinumdoman, misulti si Inday Sara nga “I’m not a last 2-minute person. I think, I organize and I implement accordingly.”

Unsay buot ipasabot niini?

Mao ba kini ang kinaiya sa usa ka tawo nga atras-abante ang panghuna-huna?

* * *

Bibo ang PDP-Laban, admin party man unta. Nabuak sa duha, Cusi-faction ug Pacquiao-faction.

Isig batikos ang matag panig, ang resulta, di pa mahibaw-an og asa sa duha ka panig ang tinuod nga PDP-Laban.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph