ANAA ra sa 17 ka mga bag-ong kaso sa Covid-19 ug wala'y patay ang natala sa Dakbaya sa Cagayan de Oro Martes, Ocktubre 5, 2021.
Matud sa City Health Office, sa 17 ka mga bag-ong mga kaso, usa niini locally stranded individual (LSI), 10 ang local index nga mga kaso; tulo ang local cases with link; duha ang lokal nga authorized person outside residence (Apor); ug usa ang Apor with link.
Ang kinatibuk-ang ihap sa mga kumpirmadong kaso sa Covid-19 sa dakbayan anaa na sa 19,662.
Ang Cagayan de Oro nakatala usab og pag-ubos sa ihap sa mga aktibo nga kaso.
Aduna nay 2,028 ka mga aktibo nga kaso karon ang dakbayan, 518 niini na-admit sa Northern Mindanao Medical Center ug uban pang mga ospital sa syudad, 1,495 ang outpatients, ug 14 ang mga ROFs/LSIs.
Nakatala usab og 229 ka mga Covid-positive nga mga kaso nga karon naka-recover. Anaa na karon sa 16,806 ang ihap sa mga nakarekober nga mga kaso sa dakbayan.
Ang ihap sa mga namatay sa Covid-19 sa syudad anaa sa 828.