DUL-AN sa usa ka milyon nga doses sa Pfizer-BioNTech Covid-19 niabot sa Sugbo sa Martes sa gabii, Oktubre 5, 2021.
Si Department of Health Central Visayas Director Jaime Bernadas niingon nga ang 994,500 ka doses mao ang labing dako nga single delivery sa Pfizer Covid-19 vaccines sa rehiyon.
Gidonar kini sa U.S. Government ug United States Agency for International Development (USAID) pinaagi sa Covax facility. Prayoridad alang niini ang A1, A2, A3 ug A5 nunot sa Covax prioritization.
Ang Covax mao ang usa ka global vaccine-sharing scheme nga gidesinyo alang sa pagseguro sa patas nga pag-angkon sa mga bakuna, labina sa low- and middle-income nga mga nasod.
Ang Covax gipangulohan usab sa Coalition for Epidemic Preparedness Innovations, Gavi, the Vaccine Alliance, ug World Health Organization (WHO) nga nakigtambayayong sa United Nations International Children’s Emergency Fund (UNICEF), key implementing partner, ug civil society organizations, vaccine manufacturers, ug World Bank, ug uban pa.
PRAYORIDAD
Matod sa Unicef, nga ang pag-una og bakuna sa mga mas exposed ug risgo sa grabeng sakit “ensure the prevention of overwhelming healthcare facilities and reduce the need for implementing more stringent quarantine measures while guaranteeing smoother economic revival.”
Si vaccine czar Carlito Galvez Jr. niingon sayo ning tuiga nga ang Pilipinas makadawat og libreng 44 million doses nga libre nga Covid-19 vaccines nga gigahin sa Covax.(JOB, NRC)