NAGPANIKAD si Filipino Jonas Sultan sa umaabot niyang away gumikan kay posibleng mao kini pultahan aron makapanuktok siya og balik alang sa world title.
Si Sultan gikatakdang makigbatok kang Puerto Rican Carlos Caraballo karong Oktubre 30, 2021 sa Hulu Theater sa Madison Square Garden sa New York.
Ang gitawag og Zorro gikan sa makapaukyab nga 7th round knockout nga kadaugan batok kang American Sharone Carter niadtong Agusto, 2021.
“Excited tayo sa darating ng laban. Grabe training natin ngayon and ‘yun talaga, binigay ko ang best sa laban. So sana makakuha tayo ng ng world title soon pagkatapos nito,” matod sa kanhi sakop sa nabungkag nga ALA stable nga napatik sa www.abs-cbnnews.com.
Si Sultan, kinsa sakop na karon sa gipanag-iya ni boxing legend Manny Pacquiao nga MP Promotions, kasamtangang nag-training sa Amerika kauban ang mga kababayang sila si International Boxing Federation (IBF) super flyweight king Jerwin Ancajas ug World Boxing Organization (WBO) bantamweight champion Johnriel Casimero. (ESL)