Bisan sa pagpadayag ni Davao City Mayor Sara Duterte-Carpio nga dili na siya magpapili sa pagka presidente sa nasud, ang Partido Pilipino sa Pagbabago (PPP) nangandam gihapon kon mausab pa ang huna-huna ni Carpio sa di pa ang deadline sa subtitution sa Nobiyembre 15.
Kini maoy gipahibaw ni former Tourism secreary Joseph Ace Durano sa mga tigbalita.
Si Durano nga modagan pagka gobernador sa lalawigan sa Sugbo mao usa’y regional president sa Davao-based party nga PPP.
Ang bag-o nga political party naglaom nga moduso pa sa iyang kandidatura ug moadagan pa pagka presidente si Carpio.
Kini ang hinungdan nga dunay usa ka sakop sa partido nga niduso sa iyang kandidatura pagka presidente.
Ang gipasabot ni Durano mao si Leonardo “Leo” Fernandez nga niduso sa iyang kandidatura pagka presidente ubos sa partidong PPP niadtong Oktubre 5, 2021.
“Ang gi-nominate sa partido, adtong miagi na national convention sa PPP, si Mayor Inday ang ilang gi-nominate,”matod ni Durano. (ANV)