SECTIONS
Superbalita Cebu
Wednesday, December 01, 2021
SUPERBALITA CEBU

Tipik sa Manipis road di pa maagian sa motorista

Di pa maagian ang sityo Langoyon, Barangay Manipis, Dakbayan sa Talisay sa tanang matang sa mga sakyanan tungod sa padayong pagdahili sa yuta nga mitabon sa tipik sa Manipis Road, nga baktasanan unta sa mga motorista nga gikan sa Dakbayan sa Sugbo ug Talisay padung sa Toledo.

Si Jonathan Tumulak, pangu sa City of Talisay Traffic Operations and Development Authority (CT-TODA), niingon nga sa iyang pagduaw sa dapit sa Sabado sa hapon, Oktubre 9, 2021, ang yuta mitabon na sa tibuok karsada.

Way bisan unsa nga matang sa sakyanan nga makaagi.

Matod ni Tumulak nga wa pa mobalik og pahigayon og clearing operation ang Department of Public Works and Highways (DPWH) sukad nga nibalik paghulpa ang yuta ibabaw sa karsada.

Si Tumulak niingon nga ilang irekomendar ngadto kang Mayor Gerald Anthony “Samsam” Gullas nga di una paagian ang dapit hagtod nga maseguro nang wa nay landslide nga magbutang sa kakuyaw sa mga kinabuhi sa mga motorista.

“Sa pagkakakaron, di pa gyud maagian ang dapit kay ang yuta nagsige pa og pangatagak ngadto sa karsada. Unya wa pa sab hilabti una sa DPWH,” nagkanayon si Tumulak sa interbyu sa Superbalita Cebu sa Sabado sa gabii, Oktubre 9.

Nabalaka siya nga magpadayon ang landslide sa dapit tungod sa pagsige og uwan ning nakalabay nga mga adlaw nga nakapahumok sa yuta.

Kagabii, nag-uwan sa dakbayan nga gikabalaka ni Tumulak nga mopasamot sa landslide.

Nagtuo si Tumulak nga sa mosunod nga mga adlaw, magpadayon ang pagdahili sa yuta.

Samtang si Gullas nimando sa City Disaster Risk Reduction and Management Office (CDRRMO) sa pag-monitor sa dapit aron malikayan ang disgrasya.

“For now, dili maagian ang Langayon Bridge area kay delikado kaayo gyud simbako ma disgrasya mo. I ask our DRRMO Alvin Santillana to monitor the area para makahatag ko ninyog latest update.Naa nasad didto mga heavy equipment,” nagkanayon si Gullas.

Iya usab nga giawhag ang mga tawo nga nagpuyo sa kabukiran sa Dakbayan sa Talisay sa pagtuman sa forced evacuation kon dunay dakong kahigayunan nga mag-ungaw sila sa kadaut.

Niadtong Miyerkules, gibuksan na unta og balik ang Manipis Road alang sa mga motorista, apan gisirhan og balik ang dapit sa sityo Langoyon tungod sa landslide. Gidili sab ang leisure biking. (REV)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!