SA ilang labing unang panagharong sulod sa duha ka mga tuig, nalupig ni Kobe Paras ang iyang suod nga higala nga si Thirdy Ravena.
Si Paras, kinsa anak ni Philippine Basketball Association (PBA) legend Benjie Paras, nagpakatap og 21 puntos, lima ka rebounds ug tulo ka assists aron agakon ang Niigata Albirex BB sa kadaugan batok sa puwersa ni Ravena nga mao ang San-en NeoPhoenix, 77-64, sa 2021-2022 Japan B. League niadtong Sabado, Oktubre 9, 2021 sa Hamamatsu Arena.
Ang Niigata ningsaka sa 2-1 nga rekord samtang ang San-en natagak sa 1-2 nga baraha.
Ang slamdunker nga si Paras mipresibo na og gipakitang duwa sa pagsugod pang sa duwa ug nagpakatap ka nini’g 11 puntos aron tabangan ang Niigata nga makaposte og 42-31 nga labaw sa halftime.
Si Ravena, kinsa nagduwa sa iyang ikaduhang season sa B.League, nimugna og unom ka sunodsunod nga mga puntos sa 3rd quarter aron pahakan ang labaw sa Niigata, 45-42.
Apan padayon si Paras sa iyang maayong duwa ug nimugna sab kini’g dugang unom ka mga puntos aron inaton pagbalik ang labaw sa Niigata, 61-50, pagkahuman sa 3rd quarter.
Human niini, wala na nakabangon ang puwersa ni Ravena, kinsa nipupo og 16 puntos. (ESL)