97 mi-file og COCs pagka presidente

DUL-ANsa 100 ka indibiduwal ang nangandoy nga mosunod nga presidente sa Pilipinas.

Gikan sa data sa Commission on Elections (Comelec), nagpakita nga dunay 97 ka certificates of candidacy (COCs) nga gipasa sa pagkandidato sa pagka presidente.

Naglakip kini nila ni Vice President Leni Robredo, Senator Manny Pacquiao, Manila Mayor Isko Moreno, Senator Panfilo Lacson, former senator Ferdinand Marcos Jr. ug Senator Ronald dela Rosa.

Samtang 29 ka COCs sa pagka vice president nga naglakip nila ni Buhay Party-list Rep. Lito Atienza, Senator Christopher Go, Dr. Willie Ong, Senate President Vicente Sotto III ug Senator Francis Pangilinan.

Dunay 176 COCs sa pagka senator, lakip sa reelectionists Risa Hontiveros, Joel Villanueva, Miguel Zubiri, Sherwin Gatchalian, Leila de Lima ug Richard Gordon.

Nangandoy nga mobalik sa pagka senador mao sila si Loren Legarda, Francis Escudero, JV Ejercito, Jinggoy Estrada, Alan Peter Cayetano, Antonio Trillanes IV, Noli de Castro ug Gregorio Honasan.

Dunay 270 ka party-list organizations nga nipasaka sa ilang certificates of nomination and acceptance (Cona), lakip sa 1-Pacman, ACT-CIS, Gabriela, TGP, Senior Citizens, ACT Teachers, LPGMA, AnakPawis, Bayan Muna, TUCP, Kabataan, Ako Bicol, Akbayan, Anak Mindanao, Cibac ug Duterte Youth.

“Despite the country being in the middle of a pandemic, we were able to successfully hold this activity nationwide,” matod ni Comelec Chairman Sheriff Abas. (HDT / SunStar Philippines)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph