MOSUGOD karong Disyembre 3, 2021 ang giatangan sa Filipino basketball fans nga pagduwa sa batan-ong Pinoy nga higante nga si Kai Sotto sa National Basketball League (NBL), usa ka professional league sa Australia.
Ang 19 anyos ug 7’3” nga basketbolista mokampanya sa Adelaide 36ers, nga makigbatok sa Tasmania JackJumpers sa pagsugod sa 2021-22 season sa NBL.
Karon untang Nobiyembre 18, 2021 sugdan ang NBL apan nakadesisyon ang mga kadagkuan sa liga nga iuswag kini gumikan sa kahasol nga hatod sa Covid-19.
“While it’s only a few weeks later than we originally planned, the new start date gives us a greater level of comfort and flexibility as we navigate through the current environment and prioritise having our growing number of fans courtside around the country and in New Zealand,” pasabot ni NBL Commissioner Jeremy Loeliger nga napatik sa www.abs-cbnnews.com.
Ang Filipino community sa Australia naghinamhinam nang mosaksi sa pagduwa ni Sotto sa NBL.(ESL)