SINGLE digit na kun wala na makaabot og 10 ka kaso sa coronavirus disease (Covid-19) ang Cagayan de Oro human upat na lang ka mga residente ang mipositibo sa virus, sumala sa report sa City Health Office sa dakbayan.

Ang kinatibuk-ang ihap sa mga kumpirmadong kaso sa Covid-19 sa syudad anaa na sa 19,834.

Sumala sa report sa City Health Office, sa upat ka mga bag-ong lokal nga kaso, usa ang index nga kaso, usa Apor with link, ug duha ang mga patay.

Ang Cagayan de Oro adunay 1,365 ka mga active cases, 363 niini na-admit sa Northern Mindanao Medical Center ug uban pang mga ospital sa syudad, 998 ang mga outpatients, ug upat ang mga ROFs/LSIs.

Nakatala usab og 185 ka mga coronavirus-positive nga mga kaso nga karon naka-recover human nagnegatibo ang resulta sa ilang repeat swab test. Anaa na karon sa 17,634 ang ihap sa mga nakarekober nga mga kaso sa dakbayan.

Ang ihap sa mga namatay sa Covid-19 sa syudad naa sa 835.