SUPERBALITA CEBU

Gwen gisurprisa sa adlawng natawhan

PAHALIPAY: Si Gobernador Gwen Garcia malipayon nga gipahalipayan sa mga opisyal sa lalawigan ug Kapitolyo atol sa iyang birthday kagahapon, Oktubre 12. / Amper CampaÑa



GISAULOG ni Cebu Governor Gwendolyn Garcia ang ika-66 nga adlawng natawhan kagahapon, Oktubre 12, atol sa kasaulogan sa Our Lady of Pillar uban sa kalig-on sa panglawas ug padayong pagserbisyo sa katawhan.

Ang gobernador gisurprisa sa mga sakop sa One Cebu party ug mga empleyado sa Kapitolyo. Usa usab ka misa ang gipahigayon sa Capitol Social Hall.

Sa iyang pakigpulong, si Garcia niingon nga “samtang ako nag sud-ong sa tagsa-tagsa ninyo nga mga panagway, daghan ang mga nahibalik nga mga handurawan sa atong panagkuyo. Nag-una sa akong mga anak, sa akong mga isguon nga andam mo sakripisyo ug nahikawan og panahon kay gihimo nako nga mas mahinungdanon ang pag-alagad ug pag-serbisyo sa tibuok probinsya sa Sugbo.”

Asoy niya nga ang maayong brand sa pagserbisyo sa katawhan usa sa mga butang nga dili mailog kaniya o sa iyang pamilya, sukad pa sa unang pagserbisyo sa iyang amahan anhing Pablo Garcia.

Nagtuo usab siya nga ang tanan nga panghitabo sa iyang kinabuhi nahiuyon sa plano ug giya sa Labawng Makagagahom.

“Through all these years, through the many twist and turns that the many life encounters. The shattering moments of grief. The gloomy times of oppression and injustice as well the exhilarating victories. All that has happened I can only say and it is perhaps good to plan but there is an unseen hand that guides the affairs of men and women, and more often than not, the most surprising turnarounds happens when hope becomes fleeting,” matod ni Garcia.

Sa uwahing bahin sa iyang panahom, nagpasalamat si Garcia sa Ginoo sa paghatag kaniya og espesyal nga panalangin nga mao ang pag serbisyo sa Probinsya sa Sugbo og paghimo niini nga numero uno sa tibuok nasud.

Ang espesyal nga programa, natapos sa paniudto nga gidalit sa iyang mga igsuon ug sakop sa pamilya, kauban ang kadagkoan sa lalawigan sa Sugbo. (ANV)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph