SUPERBALITA DAVAO

Taga Zamboanga sikop sa Digos

Hulagway iya sa Davao del Sur Provincial Police office

NAGMINGHOY sud sa selda sa Digos City Police Station (DCPO) ang usa ka lalaki nga midayo sa Digos City nga taga Zamboanga City human nasikop atol sa buy-bust operation sa awtoridad alas 6:43 sa hapon, Oktubre 11, 2021, didto sa Purok Duranta, Barangay Zone 1.

Sa impormasyon gikan sa Digos police, nasayran nga usa ka Adzhar (bansagon gitago), 28-anyos, taga Pilar Street, Zamboanga City, ang suspek kinsa nakuhaan og mga pakite sa gituohang shabu sa iyang posisyon.

Sumala ni DCPO chief of police Lieutenant Colonel Vici Anthony Tababa nga nakigtransaksiyon sa kapulisan ang suspek kinsa dugay na nilang gipanid-an.

Giingon ni Tababa nga dayo ang nahisgutan sa lugar, butang nga ilang gikatahapan ang lihok niini ug gisubay.

Dihang nagpositibo nga pusher ang suspek, gilayon nilang gilusad ang usa ka joint-operation sa nagkadaiyang unit sa awtoridad sa dakbayan nga miresulta sa pagkasikop sa suspek.

Motimbang og 6.22 gramos ang gituohang shabu nga mokantidad sa P93,300 ang nakuha sa posisyon sa dinakpan lakip na ang marked money, drug paraphernalia ug uban pang mga ebidensiya.

Gipailawom na sa summary inquest proceedings ang suspek didto sa korte. (Jeepy P. Compio)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph