MAKAKITA pa’g laing pagsidlak sa adlaw ang Meralco Bolts human nila gipakuryentihan ang Magnolia Ang Pambansang Manok Hotshots, 102-98, kagahapon, Oktubre 13, 2021, sa Game 5 sa ilang semi-finals series sa Philippine Basketball Association (PBA) 2021 Philippine Cup sa DHVSU Gym sa Bacolor, Pampanga.
Ang kadaugan maoy nakapahak sa labaw sa Hotshots, 3-2, sa best-of-seven series.
Nahimo kini sa Bolts bisan nawala sa ilang kiliran ang ilang pambatong si Chris Newsome, kinsa napalagpot sa duwa sa 4th quarter human niya naangkon ang iyang ikaunom nga foul.
Gipangulohan ni Allein Maliksi ang kadaugan pinaagi sa iyang 29 puntos samtang nidugang og career-high nga 24 puntos si Nards Pinto. (ESL)