SUPERBALITA CEBU

Balak: Unsaon ko pagtug-an kanimo?

Di dayon ko mosulti niini kanimo

ihatag ko una ang higayon nga ang tanan

imong palandungon.

Sayon ra man, di man tantong lisod

basta imo lang gamiton imong ikatulong mata.

Bukikia ang imong mga mata kon ako

mosud-ong na kang Inday,

akong ngisi kon siya mohalog na nako,

akong hapuhap sa iyang mga bukton

kon siya nagmagul-anon,

akong igat nga pagsudlay sa iyang buhok

nga may dalang simhot.

Kon dad-on gani ka namo og laag

unya siya ra ang akong librehon,

kana may lalom nga hinungdan

busa ayaw lang pangluod.

Kon nakabantay ka nga siya ra akong palitan

og plastik nga bulak panahon sa Valentines,

kana di lang tungod kay ako siyang amiga.

Tiguma lang una kanang imong mga pangutana.

Kon nasayod ka pa lang nga mas nindotan ko

ingon-ini, di ra siya magduda kay parehas kami

nga nagsul-ob og sayal ug migamit og lipstik.

Apan usa ka dakong mino kining talagsaon

kong pagbati! Ug kon di na gyud nimo mapugngan

ang tumang kalibog ug pagduda sulayi ko

pagpangutana nunot ang pagtutok sa akong mga mata

aron tug-anan tika nga ang akong kasingkasing

nahigugma sa sama nakong babaye!


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph