SUPERBALITA CEBU

Samsam mipasigarbo sa Covid response, libreng serbisyo, inprastraktura

LAPAD nga kampanya batok sa illegal nga drugas, Covid-19 response ug ang nagpadayon nga vaccination drive sa dakbayan sa Talisay ang pipila sa mga dagkong nahimo sa administrasyon ni Talisay City Mayor Gerald Anthony “Samsam” Gullas.

Kini maoy iyang gihatagan og gibug-aton atol sa iyang ikatulo ug uwahing state of the city address (Soca) sa People’s Hall sa Talisay City Hall kagahapon, Oktubre 13.

Apan sama sa milabayng Soca ni Gullas, gipaagi niya sa usa ka video presentation aron makita sa mga konstituwente ang mga programa ug serbisyo nga natuman ug gipatuman sa iyang administrasyon.

“In my three years as mayor, I would like to emphasize that these accomplishments are not mine alone. These accomplishments are for the whole of the Talisay City Government--the vice mayor, councilor, department heads, barangay heads and section heads and everyone helping in our administration,” matod ni Gullas.

Sa maong video presentation, gitaho ni Gullas ang mga paagi nga gihimo alang sa nagpadayon nga pagpamakuna batok sa Covid-19.

Subay sa datos nga giluwatan sa mayor, nakompleto na og libot sa mobile vaccination sa siyudad ang 22 ka mga barangay apan magpadayon gihapon kini sanglit dunay mga residente nga nagduhaduha sa pagpabakuna.

“We have already completed all 22 barangays in our mobile vaccination efforts but it will continue until the last person in the barangay gets his or her COVID-19 shot,” matod ni Gullas.

Sa kasamtangan, moabot na sa 123, 886 ka mga talisaynon ang nabakunahan kontra Covid-19. Sa maong datus, 70, 000 na niini ang fully vaccinated.

Bisan pa niini, giangkon sa mayor nga ubos pa ang maong datos aron hingpit nga makab-ot ang herd immunity.

Gawas sa kampanya sa pagpamakuna, gipasigarbo usab ni Gullas ang pagtinabangay sa pandemic response niini.

Nagpadayon nga scholarship programs alang sa mga underprivileged nga mga btan-on, infrastructure ug agricultural projects, ug uban pa.

Sa piniliay, si Samsam mobalik sa pagpapili pagka kongresista sa unang distrito human nga moretiro na ang iyang apohan incumbent 1st District Rep. Eduardo Gullas.

Ang iyang asawa nga si Rhea Gullas maoy magpapili sa pagka mayor sa Mayo 2022 election, kaatbang niya si incumbent Talisay City Vice Mayor Alan Bucao.(ANV)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph