NAUGDAW ang 30 ka panimalay ug usa ang angol sa sunog sa sa Sitio Mohon 2, Barangay Banilad, dakbayan sa Mandaue, alas 10:33 sa buntag kagahapon, Oktubre 13.
Si Supt. Noel Ababon, hepe sa kabomberohan sa Mandaue, nagkanayon nga ang sunog giisa sa 1st alarm sa alas 10:42 sa buntang ug na-fire out sa alas 11:36 sa buntag.
Si Jovelyn Pasumala, 29, nakaangkon og 2nd degree burn.
Gibutyag ni Ababon nga ang sunog nagagikan sa panimalay ni Reymark Casona ug suoton ang lugar.
Sumala niya nga nga naglisod sila sa pagpawong sa kayo human nagsugod kini sa tunga daghang kabalayan ug natung-ang kini sa usa kanal ingon man sa sam-ang sa Cempark.
Gamay ang dalan hinungdan nga ang fire brigades sa sapa nangagi. Ubang bombero gikan sa dakbayan sa Sugbu gipaagi sa Cempark.
Atol ning pagsuwat, nagpadayon ang imbestigasyon sa mga bombero ug ang danyos naa sa P300,000.(GPL)