SUPERBALITA CEBU

STIG Buscaino gitukod; 2 ka suspek gipanid-an

GIPORMA sa Cebu City Police Office (CCPO) ang special investigation task group (STIG) sa kasong pagbanhig-patay kang kanhi Barangay Calamba Barangay Konsehal Richard Buscaino niadtong Biyernes, Oktubre 8, sa hapon sa dalan Tres de Abril, Labangon dakbayan sa Sugbo.

Samtang, ang CCPO nakakuha na og profile sa duha ka mga suspek sa krimen ug nagtigom pa og igong ebidensiya sa pagsikop kanila ug ang pagpasaka og kaso sa korte.

Niadtong Martes, Oktubre 12, gitigom ni Police Colonel Josefino Ligan, hepe sa CCPO, ang mga opisyal og pipila ka miyembro sa Alpha Kappa Rho (Akhro) fraternity sa siyudad aron pakalmahon ug dili mosangpot sa kasamok.

Matod ni Police Lieutenant Colonel Wilbert Parilla, deputy city director for operation sa CCPO, nga gisalikway nila ang pagduda nga ang ribal o kaatbang nga fraternity ang naghimo sa krimen.

Ang lawas ni Buscaino, taas nga opisyal sa Akhro ug sa San Fernando Fuaneral Home, gihatod na sa kaulohan aron ilubong sa ilang dapit.

Dugang ni Parilla, aduna na silay mga saksi nga nakuhaan nag pamahayag sa mga imbestigador lakip na niini ang profile sa duha ka suspetsado.

“We have already the footages but dili lang sa nato i-disclose because this will be subject for identification sa atoang witnesses. But once it will be identified nga mao gyud sa atong witnesses ato ning ihatag para matabangan sad nato kung kinsa man ang makahatag og information,” matod ni Parilla.

Duha ka mga saksi ang kapulisan sa siyudad nga gikuhaan og pamahayag sa Sawang Calero Police Station.

Sa kuha sa CCTV camera, wala una ipakita sa mga sakop sa media tungod sa nagpadayon nga imbestigasyon.(AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph