SUPERBALITA CEBU

Bakuna sekretong gisuwayan

USA ka clinical trial sa WestVac Biopharma nga ginama gikan sa China gipahimo sa usa ka pribadong tambalanan sa dakbayan sa Sugbo.

Gibutyag kini ni Konsehal Dave Tumulak sa City Council atol sa iyang privilege speech kagahapon, Oktubre 13.

Matod ni Tumulak, ang mopasar sa screening ug makadawat sa first dose, bayran og P2,500 ngadto sa P5,000 nga maoy nakapaalarma sa konsehal sa south district.

“Atong gipaniguro sa mga tawo nga ni-avail ani kay nag-involve og kwarta. Wa ma ni nagpasabot nga ato silang gihikawan nga mo-avail aning kantidad nga gitanyag ang atoa lang nga masiguro nato nga luwas ang ilang lawas niining bakuna,” padayag ni Tumulak.

Dugang niya nga adunay residente nga gibakunahan niadtong Oktubre 9, apan wala siyay vaccination card nga awtorisado sa City Government, apan dunay card nga nagpakita nga sila partisipante sa study o trial para sa recombinant Covid vaccine.

Ang konsehal sa south district nga si Tumulak uban sa City Council niawhag sa Department of Health (DOH) nga sila pasabton may labot niining gihimo nga clinical trial sanglit wala silay kasayoran niini.(PAC)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!