SUPERBALITA CEBU

CCPO nanghakot og awards

CEBU City Police Office nangharos og pasidungog atol sa pagsaulog sa ika 120th Police Service Anniversary sa Police Regional Office 7.

Matag tuig ang kapulisan sa Central Visayas mopili og mga police officers nga nakahimo og kalampusan ilabi na sa mga programa sa kapulisan.

Si Police Colonel Josefino Ligan ang napiling Best Senior Police Commissioned Officer for Administration samtang si Police Staff Sergeant Gerby Maloloy-on ang Best Junior Non-Commissioned Officer.

Ang station 8 sa CCPO nakasakmit og duha ka pasidungog kini mao ang Best Performing City Police Station sa kampanya batok illegal nga drugas ug illegal gambling.

Samtang ang station 7 ang Best Performing City Police Station sa kampanya batok wanted person samtang best City Mobile Force Company ang Cebu City Mobile Force Company sa Unit Award ug ang napili nga Best City Police Station mao ang Parian police station.

Si Police Colonel Robert Lingbawan kanhi hepe sa Regional Intelligence Division ang Best Police Commissioned Officer, Police Lieutenant Colonel Mia Rose sa PRO-7 ang Best Junior Police Commissioned Officer for Administration.

Nasakmit usab sa Negros Oriental Police Provincial Office ang Best Provincial Police Office, Lapu-Lapu City Police Office ang Best City Police Office, Parian Police station sa CCPO ang Best City Police Station.

Tagbilaran City Police station ang Best Component City Police station, ang Tubigon Municipal Police station ang Best Municipal police station.

Nakakuha usab og duha ka pasidungog ang Talisay City Police station kini mao ang Best Performing Component City police station sa kampanya batok illegal nga drugas ug illegal gambling.

Matod ni Police Lieutenant Colonel Wilbert Parilla deputy city director for operation sa CCPO nga ang mga pasidungog nga nakuha sa kapulisan sa siyudad sa Sugbo nagpasabot lang kini nga nag trabaho ang mga police.

“Ubay-ubay gyud ang mga awards nga nakuha sa atoang office and it signifies that ang atoang mga personnel and officers are really working,” matod ni Parilla.

Nagpasalamat usab si Police Colonel Ligan sa iyang mga sakop sa CCPO nga padayon nga mi trabaho ilabi na sa kampanya sa illegal nga drugas ug illegal nga sugal taliwala sa pandemya.

Gidasig pa niya ang iyang mga station commanders nga hingusgan pa ang ilang mga programa sama sa anti criminality campaign.(AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph