SUPERBALITA CEBU

Editoryal: Mabungkag unta

Editorial art by Ariel Itumay

Ni-file na og leave of absence si Mayor Edgardo Labella aron makagugol na siya sa iyang panahon ug pagpaalim sa iyang kondisyon. Sugod sayo sa 2021, nagsige na og leave ang mayor tungod sa kahimtang sa iyang panglawas.

Dugay na unta ni gihimo sa mayor kay mas makaayo kaniya nga tutokan ang pagpakaayo, apan tungod tingali sa iyang gugma sa pagpangalagad, dunay mga higayon nga siya nibalik sa pagtrabaho, kasagaran work from home nga maoy naandan karon panahon sa pandemic.

Di man gud lalim ang trabaho sa usa ka local chief executive tungod sa kadaghan sa trabaho ug mga isyu. Grabe ang stress sa trabaho nga seguradong nakaapekto sa iya unta nga recovery. Ang stress, matod sa mga eksperto, usa sa mga killer.

Isip kaalyado ug nakasuway na pagka mayor sa duha ka mga termino, takus si Acting Mayor Michael Rama nga moduma sa City Hall. Nisaad na man usab si Rama nga di siya manghilabot kon unsay set-up nga gibutang ni Labella. Nagpasabot nga wa siyay ilisan nga mga tawo basta di lang makahimo og mga salaud.

Ngil-ad man usab tan-awon kon mohimo og mga kausaban si Rama kay momugna kini og pagtuo nga sa tinud-anay diay, kontra sila sa mayor ug buak diay sa pagkatinuod ang Barug PDP Laban, sukwahi sa gipakita ngadto sa publiko.

Gawas pa, pipila na lang ka buwan eleksyon na. Di maayong panahon sa pagpanguyog, mismo sa iyang mga kaubang partido. Kay kon uyugon ni Rama ang estruktura nga giporma sa mayor, mosumbalik ra usab kini niya. Ang gikinahanglan karon mao ang status quo ug nakasabot siya niini.

Sa umaabot nga mga adlaw, samtang magpadayon siya sa pagdumala sa city hall, iyang gipaneguro nga way dagkong mga kausaban nga pagahimuon.

Kon buhaton ni Rama ang mga lakang nga iya untang buot buhaton pipila ka mga buwan ang nakalabay, seguradong makaguba sa panaghiusa.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph