SUPERBALITA CEBU

Motorkada sa mga politiko limitado

DILI makapatuyang og padaghan sa ilang mga sakyanan ang mga dumadapig sa mga kandidato nga magpapili sa mga national position sa higayon nga molusad sila og caravan sa dakbayan sa Sugbo.

Kini ang inisyal nga nasabotan sa Emergency Operation Center (EOC) aron dili makahatag og kahuot sa trapiko ang motorcade.

Si Konsehal Joel Garganera, deputy chief implementer sa EOC, nagkanayon nga 20 ra ka mga sakyanan ang ilang giplanohan nga tugotan apan kinahanglan pa kining aprobahan sa buhatan ni Acting Mayor Michael Rama.

Gihulagway sa konsehal nga kon kini maaprobahan sa mayor, mahimo na kining basehanan sa kalihokan sa kampanya sa eleksiyon.

Iyang giangkon nga wala pa silay gisubay nga basehan sa maong matang nga estilo bahin sa ipahigayon nga caravan niining panahon sa pandemya sa coronavirus disease 2019 (Covid-19).(PAC)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!