SECTIONS
Superbalita Cebu
Wednesday, October 20, 2021
SUPERBALITA CEBU

200 ka pulis ipakatap sa 21 ka sam-ang sa Cebu City

KAPULISAN sa siyudad sa Sugbo mopakatap og 200 ka uniformed personnel sa 21 ka mga sam-ang sa dakbayan usa ka adlaw sa dili pa hingpit nga mobukas ang mga menteryo karong Lunes, Oktubre 18 ngadto sa Nobiyembre 4, 2021.

Mga manindahay og kandila gidid-an usab nga makapaninda sa sulod sa sam-ang.

Matod ni Police Colonel Josefino Ligan, hepe sa Cebu City Police Office (CCPO), ang lima ka dagkong menteryo adunay ipahimutang nga advance command post diin kadangpan sa mga tawo nga makasugat og problema.

Gidili sa pagpasulod ang mga ilimnon nga makahubog, hait nga hinagiban, pagkaon ug sound system .

Nahukman sa kagamhanan sa siyudad sa Sugbo nga ila nang ablihan sa publiko ang mga sam-ang sa Oktubre 18, Lunes, hangtod sa Nobiyembre 4 kini aron paglikay sa pagdasok sa mga tawo nga moduaw sa ilang mga mahal sa kinabuhi nga mitaliwan na.

Si Atty. Collin Rosell, ang Emissary to the Mayor sa Cebu City Hall, nagkanayon nga atol sa maong panahon ang tanang lagda sa executive order maoy ipatuman.

Apan usa sa giduso ngadto sa Emergency Operation Center (EOC) ang pagpatuman sa no vaccination card, no entry sa mga sam-ang sa Niyembre 1 ug 2.

Nakig-alayon na usab sila sa simbahang Katoliko nga maoy nagdumala sa mga menteryo ug nasabutan nga duha ka misa na lang sa usa ka adlaw.

Sukad sa milabayng adlaw, ang Prevention, Restoration, Order, Beautification and Enhancement (Probe) team mihimo na og clearing operation sa sulod sa mga dagkong sam-ang sa dakbayan.

Matod ni Raquel Arce, pangulo sa Probe, padayon ang pagsulod sa mga tawo sa menteryo gidid-an ang mga manindahay og kandila sa sulod ug daplin sa karsada.

Ang mga tawo hatagan og 30 minutos nga tagal ang matag mobisita sa lubong.

Wala hinuoy ipatuman nga re-routing apan, gipahibawo sa officer-in-charge sa Cebu City Transportation Office (CCTO) Lyntoni Alburo nga ilang estriktohon ang pagdili sa pag-park sa gawas sa sam-ang. (AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!