NAGTUO ang beterano ug bantugang sports broadcaster ug analyst nga si Quinito Henson nga mobalik ra og away si Filipino boxing legend Manny Pacquiao.
Kini kon mapilde ang Pambansang Kamao ng Pilipinas sa iyang paglansar isip presidente sa nasod sa eleksyon karong Mayo 9, 2022.
Ang bugtong 8-division world champion sa kalibutan miretiro sa miaging buwan human niya pormal nga gianunsyo ang iyang paglansar alang sa labing taas nga posisyon sa gobiyerno.
Miretiro ang fighting senator sa edad nga 42 bawon ang 62-8-2, 39KOs nga rekord.
“In the eventuality that he loses the Presidential race, yes, I think he will come back,” matod ni Henson nga napatik sa www.gmanews.tv.
“I think in that situation, he will want to be in a position to continue to give honor to our country. If he feels that he continue to do that by fighting in the ring, he will.”
Gipasabot ni Henson nga dili sayon alang kang Pacquiao ang pag-undang og away gumikan kay mao kini ang kinabuhi sa usa ka boksidor.
“It is the most difficult thing for a boxer to stop boxing because that is a boxer’s life,” dugang ni Henson.
“For Senator Pacquiao, he has his dreams, he has feelings about wanting to help our country grow. As far as his boxing career is concerned, nobody is going to match what he has done. He is in the Guinness Book of World Records.”
Gihimo sab basihan ni Henson nga ning panahuna, daghan nang mga niretirong dekalidad nga mga boksidor ang namalik o mobalik pa aron moaway og exhibition bout.
“Senator is 42 years old, Oscar De La Hoya is coming back, Floyd Mayweather is always around, and Evander Holyfield came back. These days, age doesn’t seem to matter any longer in professional boxing,” pasabot ni Henson. (ESL)