SECTIONS
Superbalita Davao
Wednesday, December 01, 2021
SUPERBALITA DAVAO

DRMC nakadawat og P25M alang sa oxygen refilling station

DAVAO. Si Senate Committee on Health Senator Christopher Lawrence 'Bong' Go dihang gihinabi sa mga tigbalita sa Energy Park gymnasium sa Tagum Huwebes sa hapon, Oktubre 14, 2021, atol sa pagtunol niya sa P25 milyon nga kantidad alang sa oxygen refilling station sa Davao Regional Medical Center sa siyudad sa Tagum. (Jeepy P. Compio)

NAKADAWAT ang Davao Regional Medical Center (DRMC) sa Tagum City og P25 milyon nga kantidad alang sa oxygen refilling station.

Mismong si Senate Committee on Health Senator Christopher Lawrence "Bong" Go ang mitunol sa tseke ngadto sa DRMC ang sa pagmuntar og usa ka oxygen refilling station.

Una niini, nabalaka si Go sa unang report nga nagkulang ang mga oxygen sa mga dagkong ospital sa Davao Region gumikan sa pagtaas sa ihap sa mga aktibong kaso sa Covid-19.

"My only condition to DRMC is (to) please help the poor patients," ingon ni Go.

Ang pagtunol sa senador naatol sa distribusyon sa Assistance to Individuals in Crisis Situation (AICS).

Daghan ang nahimong benepisaryo sa maong programa sa dapit labi na ang walang-wala nga maoy mas naapektuhan sa pandemya.

Mokabat sa kapin kun kulang 500 ka mga residente sa dapit ang nakabenepisyo sa maong takna diin gawas niini naay gipanghatag nga mga vitamins, masks ug face shields.

Naa sab gipa-raffle ang senador nga mga computer tablet, mga sapatos ug mga bisikleta ingon man ang pagtabang sa mga masakiton nga personal nga nakig-istorya kaniya.

Sa katapusan una milakaw ang senador, mihatag kini og mensahe ngadto sa mga Tagumenyos diin iya kining gidasig nga magpabakuna gumikan kini ang dalan aron luwas ang tanan sa Covid-19. (Jeepy P. Compio)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!