SUPERBALITA CEBU

Pagasa: La Niña misugod na

ANG Philippine Atmospheric Geophysical and Astronomical Services Administration (Pagasa) kagahapon, Oktubre 15, nipahibalo sa pagsugod sa La Niña phenomenon ug pagtapos na sa habagat.

Kini nagpasabot sa pag-uwan sa dakong bahin sa nasod hangtod sa first quarter sa 2022, matod ni Pagasa Deputy Administrator for Research and Development Esperanza Cayanan.

Matod niya, dunay upat ka mga umaabot nga bagyo nga mosulod sa Philippine area of responsibiliy (PAR), ug moigo sa dili pa motapos ning tuiga. Ang mga bagyo gipaabot nga mopakusog sa amihan.

Kusog ang pagbunok sa uwan nga taas sa normal nga kondisyon nga hinungdan sa flashfloods, pagbaha ug pagdahili sa yuta sa risgo nga dapit labina sa silangang bahin sa nasod, matod ni Cayanan.

Ang Pagasa niluwat sa first advisory sa La Niña kagahapon, pipila ka adlaw sa pagbiya sa bagyong ‘Maring’ nga nikusokuso sa Luzon.

“Recent oceanic and atmospheric conditions indicate La Niña has developed in the tropical Pacific. Since July 2021, the sea surface temperatures in the central and equatorial Pacific started to cool and further temperature drop strengthened in September, reaching La Niña threshold. Based on the latest forecast, La Niña is likely to persist until the first quarter of 2022,” dason ni Cayanan atol sa virtual press conference.

Ang weather bureau nitambag sa concerned government agencies ug publiko sa paghimo og precautionary measures sa pagpangandam sa posibleng trahedya. (MVI)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!