SEGURO usa sa labing dakong hinungdan sa pag-apil sa programa mao ang iyang kasinatian dihang nagtungha pa hangtod nga nahimong maestra nga kanunay moagi sa batuon nga dalan. Kini ang dakong impluwensiya sa pagdawat ug paghangop sa bisyon sa programa.
Ang kakuwang sa maayong dan wala lang makaapekto sa mga tinun-an ug educators sama kaniya apan lakip sa mga mag-uuma nga maglisod sa pagtumod sa ilang mga produkto sa umahan padulong sa lungsod.
Alang kaniya, usa kini sa dakong babag sa kalamboan sa Canagahan.
Nakasugat usab siya og mga hagit atol sa pagpatuman sa ilang sub-project. Ang mga tawo nagtuo nga ang pag-apil sa Kalahi, walay suhol, dili maayong elekto ngadto sa ilang pamilya nga nagpaabot sa ilang kita aron makakaon.
Bisan ang grupo sa mga boluntaryo sa Canagahan gamay lang, siya nipadayon sa pagpaambot sa kasayoran bahin sa programa.
Kini nga kasinatian, si Nanay Wennie nahimong lig-on ug madasigon sa iyang paglihok nga dili mausik.
Human sa usa ka tuig nga pagpatuman sa proyekto, ang Brgy. Canagahan nakahimo sa iyang 0.650 km access road sa Purok Bayabas. Ang komunidad, labina ang mga mag-uuma, malipayon sa pagkompleto sa farm-to-market road.
Tungod niini, si Nanay Wennie igiila sa kadaghanan nga lig-on og baroganan ug usa ka bayani, tungod sa pagduso sa kausaban sa ilang komunidad.
Ang iyang bisyon sa kalamboan, pamaagi sa kinabuhi, nahimong matuod nga nakatabang sa mga tinun-an sa pag-adto sa mga tunghaan ug maayong agian sa paghatod samga produkto sa mga mag-uuma.
Wala siya magduhaduha o wala mahunhuna kon unsay ikasulti sa mga tawo kaniya.
“Daghan pa ang angayan buhaton apan sa nakita nako nga kabag-ohan diri sa among komunidad, nabati nako nga aduna koy nindot nga nakab-ot sa akoang kinabuhi,” matod ni Nanay Wennie.
Si Nanay Wennie nagkanayon nga gusto siya nga makigkita sa dugang mga tawo, labina sa mga batan-on sa pag-apil sa Kalahi.
Ang iyang legasiya nagpadayon sa katawhan sa Canagahan nga nakabenepisyo sa dan nga usa sa iyang gidamgo ug pagpasalamt sa Kalahi.
Kining tanan alang sa pagtabang sa komunidad sa kalamboan sa gamay nga lungsod. (PR)