SECTIONS
Superbalita Cebu
Saturday, November 27, 2021
SUPERBALITA CEBU

Mga panagit sa nagpatuong taga PDEA misiaw

PHILIPPINE Drug Enforcement Agency (PDEA 7) naalarma na sa sunod-sunod nga mga reklamo nga adunay mga tawo nga na missing human gipangdakop sa nagpailang mga sakop sa ilang ahensya bisan kon wala silay gihimo nga anti drug operation.

Tungod niini, mohimo og imbestigasyon ang buhatan sa PDEA 7 labot sa sunod-sunod nga mga reklamo nga ilang nadawat nga ang ilang mga kabanay gipang pick up sa nagpailang ahente sa PDEA 7.

Matod ni PDEA-7 Director Levi Ortiz nga matag adlaw adunay mobisita sa ilang buhatan aron mosusi kon tinuod ba nga sila ang nagdakop sa mga miyembro sa pamilya nga gidudahang nalambigit sa illegal nga drugas.

Tungod niini, naalarma na ang ilang buhatan sa sunodsunod nga mga reklamo hinungdan nga nagpagawas na silag advisory nga dili nila binuhatan ang mang pick up og drug personality nga isakay sa usa ka sakyanan nga dili ipakita sa media.

“Alarming man gud kay almost everyday, naay moadto sa among opisina, mangita sa ilang mga tagtungod ilang mga relatives tungod kay gi kidnap kuno, Usahay moingon nga PDEA kuno. So mao to nag pagawas gyud mig advisory para pagpahibawo sa mga tawo nga ang PDEA dili gyud mo engage og mga ingun ana nga aktibidadis,” matod ni Ortiz.

Nipasabot si Ortiz sa publiko nga kon ang ilang buhatan mohimog anti drug operation, dili nila kini dalhon sa laing lugar o kaha sa ilang opisina sanglit didto mismo sa dapit diin gidakop ang usa ka drug personality himuon ang inventory nga saksihan sa mga barangay official ug miyembro sa media.

Kon aduna may mamatikdan ang katawhan nga adunay nagpaila nga PDEA 7 agent ug wala maka uniporme, awhag ni oOtiz nga motaho dayon sa ilang buhatan aron mahatagan nila kini og aksyon. (AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!