PADAYON ang pagnaog sa ihap sa mga bag-ong kaso sa Covid-19 sa Cagayan de Oro human kini mitala og 23 kaso, matud sa report sa City Health Office Biyernes, Oktubre 15, 2021.
Matud sa City Health Office, sa 23 ka mga bag-ong kaso, walo ang mga local index nga mga kaso, unom ang mga local cases with link, usa ang lokal nga authorized persons outside residence (Apor), ug walo ang mga persons deprived of liberty (PDLs).
Ang Cagayan de Oro adunay 1,081 ka mga active cases, 312 niini na-admit sa Northern Mindanao Medical Center ug uban pang mga ospital sa syudad, 766 ang mga outpatients, ug tulo ang mga ROFs/LSIs.
Nakatala usab og 76 recoveries. Anaa na karon sa 17,991 ang ihap sa mga nakarekober sa dakbayan.
Ang ihap sa mga namatay sa Covid-19 sa syudad anaa na sa 836.