ANAA na sa 4,964 ang mga indibidwal nga nabakunahan na nga nagpositibo sa coronavirus disease (Covid-19) sa Dakbayan sa Cagayan de Oro.
Matud sa City Health Office, sa maong 4,964 nga mga vaccinees, 3,086 niini ang mga nabakunahan na sa Sinovac vaccine; 917 ang nabakunahan sa AstraZeneca; 336 ang nabakunahan sa Pfizer; 292 ang nabakunahan sa Sputnik V; 304 ang nabakunahan sa Janssen; unom ang nabakunahan sa Sinopharm; ug 23 ang nabakunahan sa Moderna.
Sa 3,086 nga mga Sinovac vaccinees, 2,414 ang nakasinati og mild nga sintomas, 470 ang mga asymptomatic, 195 ang mga nakasinati og moderate nga sintomas, ug pito ang mga severe nga kaso.
Sa 917 nga mga AstraZeneca vaccinees, 686 ang nakasinati og mild nga sintomas, 175 ang mga asymptomatic, 52 ang mga nakasinati og moderate nga sintomas, ug upat ang mga severe nga kaso.
Sa 336 nga mga Pfizer vaccinees, 240 ang nakasinati of mild nga sintomas, 81 ang mga asymptomatic, ug 15 ang nakasinati og moderate nga sintomas.
Sa 292 nga Sputnik V vaccinees, 237 ang nakasinati og mild nga sintomas, 37 ang mga asymptomatic, ug 18 ang mga nakasinati og moderate nga sintomas.
Sa 304 ka mga Janssen vaccinees, 226 ang nakasinati og mild nga sintomas, 49 ang mga asymptomatic, ug 29 ang mga nakasinati og moderate nga sintomas.
Sa unom ka mga Sinopharm vaccinees, upat ka mga indibidwal ang nakasinati og mild nga sintomas, usa ang asymptomatic, ug usa ang nakasinati og moderate nga sintomas.
Ug sa 23 ka mga Moderna vaccinees, 11 ka mga indibidwal ang nakasinati og mild nga sintomas, walo ang mga asymptomatic, ug upat ang mga nakasinati og moderate nga sintomas.
Kasamtangan, sa 4,964 ka mga coronavirus-positive nga mga vaccinees, 3,042 ka mga indibidwal ang mga fully vaccinated.