Sandigan sa San Miguel Beermen ang ilang lapad nga kasinatian isip alas sa ilang pagpakigbatok sa TNT Tropang Giga sa do-or-die game sa 46th PBA Philippine Cup karong hapon, Oktubre 17, 2021.
Mosandig ang opensa sa SMB ngadto sa ilang 6-time PBA MVP ug sa ilang sharp shooter nga si Marcio Lassiter kinsa niingon adunay silay igo nga eksperyensiya sa game 7 nga maoy labing una human sila nidaog sa finals batok sa Magnolia niadtong 2019.
"We have a lot of experience coming into these Game 7s,” Matod sa SMB wingman human sila nidaog batok sa TNT, 103-90 niadtong Biyernes sa Don Honorio Ventura State University gym.
“We have to ride this momentum going into Game 7. Keep on believing. We knew this knockout game today, and we need to put all our effort on this one.” dugang sa 34 anyos nga beterano.
Si Lassiter kinsa apil sa lethal starting unit sa SMB kansang prangkisa maoy nakalabni sa 5 sa 6 ka all-Filipino championships maoy nangulo.sa ilang team pinaagi sa iyang 19 puntos ug nipasulod sa lima gikan sa walo ka tira sa tres.
“It’s going to be tough. It’s going to be a quick turnaround, and we also have to put all our effort into this next game coming on Sunday.So it’s going to be a war out there.” dugang niya.
Gawas ni Lassiter, niabag og double-digit sa ilang scoring silang Mo Tautua (24), Terrence Romeo (16), Arwind Santos (13) ug Fajardo (11 ug 14 rebounds).
Ang modaog sa duwa karong hapon mao ang mobangga sa Magnolia kinsa maoy unang nipanso para sa PBA Finals. (PAC)