SECTIONS
Superbalita Cebu
Saturday, December 04, 2021
SUPERBALITA CEBU

Fan diay ni Pagara miluwas

Usa ka boxing fan nga napriso mao ra usab ang nagluwas ni Prince Albert Pagara sa dihang buot unta niining magpakamatay sulod sa bilanggoan.

Matod ni Pagara nga sa dihang nabilanggo siya tungod sa reklamong pangmolestiya, gibati niya ang dakong kasagmuyo ug kaguol nga gusto na siyang magpakamatay.

Iyang giangkon nga nisuway na siya paghikog pinaagi sa paghigot sa iyang liog ug pipila lang ka segundos gipakgang sa maong tawo nga nagpailang usa sa iyang fans.

"Naa may usa ka tawo didto sir nga nag idol nako ba...nagpasalamat nga napriso siya kay didto ra kuno siya nakakita nako," ni Pagara pa.

"Nagbigti na gyud ko, unya mga seconds siguro to, luspad na kaayo ko sa tanan unya naluwas pa gyud ko niya. Siya gyuy nagluwas nako. Pasalamat ko niya," matod ni Pagara sa interview sa Sports Ta Bai sa Radyo One Cebu 90.1 FM.

Kon kahinumdoman, si Pagara giaresto sa iyang gipuy-an sa barangay Inayawan, dakbayan sa Sugbo ug gibilanggo sa Pardo Police Station tungod sa reklamong pagpangmolestiya niadtong Septiyembre 3, 2021.

"Katong didto ko sa prisohan, nagplano gyud ko nga magbitay ko. Naingon ato ko kay wala naman, depressed na man kaayo ko ato. First time to sa akong kaugalingon nga nakasulod ko sa prisohan. Dili gyud diay lalim (nga mapriso) kay alimuot, gamay kaayo unya daghan mo sa sulod. Baho kaayo," dugang ni Pagara.

Human sa iyang pagsuway og hikog, si Pagara nibutyag nga nakadawat siya og daghang mga tambag gikan sa mga tawo nga nagmahal kaniya.

Nianang Septiyembre 8, 2021, nakagawas ang lumad nga taga Maasin City, Southern Leyte sa bilanggoan human kini makapiyansa.Taliwala sa maong hitabo, si Pagara daw og sa naleksiyon ug nakakuha og daghan pagtulon-an nga mahimo niyang gabay o inspirasyon alang sa iyang kaugmaon.

"Sa pagkakaron, grabi akong experiEnce nga naagian sa nahitabo, nabalik sa akoang hunahuna nga anaa pa gyud diay koy chance sa boxing," dugang sa kanhi sakop sa nanira na nga Ala Boxing Gym.

"Unya daghan sab kaayong mga tawo nga nahigugma nako ug moistorya nga mobalik kog boxing kay di pa uwahi ang tanan mao nga nagporsige na ko, then training lang ko always, para ready ra ko pirme puhon kon dunay fight."

Wa pa man tuoy petsa, apan nagtuo ug masaligon si Pagara nga aduna siyay away sa uwahing bahin ning tuiga, sigon sa gisulti sa iyang bag-ong manager. (JBM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!